Lengo 2: Kujua kuwa tunahitaji aina nyingi tofauti ya vyakula

Vifaa:

Picha: Tunahitaji Aina Nyingi Tofauti ya Vyakula

Dhana : Watu wanahitaji aina nyingi tofauti ya vyakula ili kuwa na afya na kukua

Yaliyomo

Hata kama tutapata chakula cha kutosha kukidhi mahitaji yetu ya nguvu, tunaweza kukosa afya iwapo hatutapata aina tofauti za vyakula tunavyohitaji. Kwa kuwa virutubishi tofauti hupatikana katika vyakula mbalimblai, tunahitaji kula aina nyingi za vyakula ili kupata vitu vyote tunavyohitaji.

Maeneo mengi yana mfumo wa kula vyakula ambavyo vina wingi wa aina mbalimbali vinavyohitajika kwa afya na ukuaji. Kwa mfano, chakula cha msingi kama vile mchele, ngano, mahindi, mihogo au viazi huchukua jukumu la chakula kikuu ambacho huambatanishwa na aina tofauti za mboga, nyama, samaki au kuku, na michuzi kwa kawaida huongezwa. Wakati vyakula vilivyoambatishwa huwa na uanuwai wa mboga, nyama au vyakula vya jamii ya kunde (maharagwe, dengu na njugu), pamoja na michuzi shahamu, sukari na matunda mlo wa asili huwa na utajiri wa virutubishi kwa afya na ukuaji.

Matendo

• Waeleze watoto kuwa watu wote dumiani wana namna tofauti kabisa za kula. Zungusha au ohyesha picha Tunahitaji Aina Nyingi Tofauti ya Vyakula na ueleze chakula kinachoandaliwa familia hii. Kinahusisha chakula cha msingi. Waulize watoto ni nini kinachoonekana (wali, mihogo na viazi). Waulize chakula kingine wanachokiona kwa kiasi kidogo (matunda, nyama, mboga na michuzi).
• Waeleze watoto kuwa hivi ndivyo watu wengi ulimwenguni hula. Wana chakula kikuu, kisha wanaongeza kiasi kidogo cha vyakula vya kuambatana nacho. Jadili jinsi vyakula vya msingi ulimwenguni huwa ni vyenye wanga kama vile mchele na nafaka nyingine, viazi na mihogo. Jadili jinsi vyakula vyenye kuambatishwa vinaweza kuwa mboga, maharagwe, dengu, njugu, nyama, samaki, yai au michuzi kutokana na vyakula hivi.
• Waeleze watoto kuwa vyakula mchanganyiko huwa ni vya aina mbalimbali ambavyo tunahitaji ili kuwa na afya. Na kwamba tunahitaji kujaribu kula aina tofauti kila siku. Tunahitaji pia kujaribu kula matunda baada ya mlo au badala ya vyakula vyepesi (kumbwe).
• Kwa kutumia picha kama kielelezo, waulize watoto jinsi ya milo yao na uliza iwapo pia wana chakula cha msingi na vyakula vidogo vinavyoambatanishwa kama ilivyo familia pichani.
• Kwa kuitumia picha hiyo kama kielekezi, waulize watoto kuunda orodha yao ya vyakula vyao vya msingi vya kiasili na vyakula wanavyoviambatanisha navyo. Waulize kuhesabu ni aina ngapi tofauti za vyakula vya kuambatanishwa waweze kuorodhesha na waeleze jinsi kuwa na aina nyingi tofauti za vyakula kunawasaidia kukua na kuwa na afya.
• Fasiri yako ya picha hiyo inaweza kuundwa kwa kuchora au kukata picha za vyakula vya msingi vya kiasili na vyakula vinavyoambatanishwa navyo.

Lengo 3. Kujua ni nani mwenye njaa ulimwenguni