Lengo 3: Kujua ni nani ana njaa na ukosefu wa lishe bora ulimwenguni

Vifaa

Karatasi ya Ukweli: Nani Aliye Hatarini?

Dhana :Njaa na ukosefu wa lishe bora vipo katika kila nchi kwa namna fulani

Yaliyomo

Ingawa baadhi ya mataifa yana watu walio na njaa - kwa idadi ya watu na vile vile asilimia ya umma -hakuna nchi iliyo huru kutokana na njaa na ukosefu wa lishe bora. Ili kupata suluhisho ya matatizo ya njaa, Sharti tujue walio na njaa ni kina nani.
Karatasi ya ukweli Nani Aliye Hatarini? inatupa orodha ya makundi yanayohathirika ulimwenguni.

Matendo

Pitia orodha ya makundi yasiyo uhakika kwenye karatasi ya ukweli. Kama unavyoruhusu wakati, waulize wanafunzi kwa nini kila kundi linakosa uthabiti dhidi ya njaa na ukosefu wa lishe bora.
Husisha matatizo ya njaa katika eneo lako na makundi (yasiyo na uhakika wa lishe). Ni watu wangapi walio na njaa kutoka kwenye makundi yasiyo na uhakika yaliyoorodheshwa? Kwa mfano, je, tatizo la njaa katika lako linahusishwa na migogoro, na wale ambao hawakubahatika katika jamii au kwa wahamiaji. Waulize wanafunzi ikiwa wanaweza kufikiria makundi mengine katika eneo lao ambayo huenda yakaathiriwa na njaa na kwa nini.

Muhtasari

Somo 1 linawatunguliza wanafunzi katika umuhimu wa chakula kwa ukuaji na kufanya kazi katika mwili, ili kutoa muktadha wa kuijadili njaa. Upitiaji jumla wa dhana za kimsingi za lishe zilielezwa pamoja na mahusiano yao na njaa na ukosefu wa lishe bora. Upeo na mtazamo wa ulimwengu wa njaa umeelezwa, pamoja na maelezo ya jumla ya makundi yanayotishiwa na njaa ulimwenguni. Baada ya kukamilisha Somo 1, wanafunzi wanatakiwa kuorodhesha:

Viini vya vyakula kwa virutubishi vya msingi vilivyoorodheshwa katika somo.
Virutubishi vyenye matatizo katika vyakula vya kiasili katika eneo lao.
Athari za kiafya kutokana na upungufu wa protini na nguvu, vitamini A, ayodini na madini.
Athari za kiafya kutokana na ziada za maakuli.
Nchi zenye matatizo makubwa zaidi ya njaa.
Makundi yenye tishio kubwa zaidi la njaa.

Kwa kujiunga na Foramu ya KAKN, bonyeza HAPA.