Lengo 1: Kutambua wajibu na uwezo wa watu binafsi ili kuchukua hatua za kupambana na njaa na ukosefu wa lishe bora na kuhakikisha uhakika wa chakula
Dhana: Sote tunaweza kutoa michango yetu ili kusaidia kumaliza njaa na ukosefu wa lishe bora kwa kila mmoja wetu, hata kwa mchango mdogo anaweza kuwa shujaa kwa mtu mwingine
Yaliyomo
Mashujaa wasifika wamekuwepo tangu zamani. Ngano za hadithi kuhusu mapambano dhidi ya umaskini na njaa zinaeleza kuhusu watu jasiri walivyobadilisha ulimwengu.
Matendo
Mashujaa wetu ni kina nani? Waambie wanafunzi kuorodhesha mashujaa wao, wafu au hai, halisi au bunifu. Jadili sifa za kibinfasi walizo nazo zenye kufanana. Eleza sifa za kibinafsi tunazothamini kama watu.
Kutokana na orodha iliyotolewa na wanafunzi pamoja na mwalimu, tuna mashujaa na viongozi kadha ambao wamejitahidi kupambana na umaskini, njaa au dhuluma na kwa ufupi eleza michango yao. Waulize wanafunzi iwapo mashujaa hawa ni tofauti sana na sisi wengine, au kama sote tunaweza kupata sifa kati yetu za kushughulikia mabadiliko.
Waulize wanafunzi ikiwa wanawajua watu katika jamii yao ambao wanatunza na wana moyo wa kuwasaidia wengine katika hali ya dharura ya kila siku. Je, wanafikiri kuwa hawa ni mashujaa? Kwa nini? Waambie wanafunzi kueleza michango ya baadhi ya watu katika jamii zao ambao wanawasaidia wengine.
Waulize wanafunzi wanachoweza kufanya wao wenyewe ni kusaidia, familia zao, jamii zao au ulimwengu mzima. Waambie wanafunzi kuandika hadithi kuhusu, au kuchora picha ya wanachotaka kufanya ili kuimaliza njaa.
